Жеке бизнес ашу әркімнің көкейіндегі ой
Приозерск қаласындағы су тазарту ұжымының шақыртуымен ӨКП өкілдері кәсіпорын қызметкерлерімен кездесті
Қатардағы азаматты не қызықтырады? Әлбетте, мемлекет ұсынып отырған барлық мүмкіндіктер.
Палатаның өңірлік филиалы директоры Азамат Шалғымбаевтың айтуынша, кейде қолдау құралдары туралы толық ақпарат алуға азаматтардың уақыты болмай жатады.
«Кейде қолың тимейтін жағдайлар болады, үлгермедің, ұмытып кеттің деген сияқты. Барып, біліп келу керек еді деп жүре береді. Сондықтан мұндай азаматтарға біз өзіміз келіп, мемлекеттік бағдарламаларды түсіндіреміз. Бұл кәсіпорын ұжымында 20 адам жұмыс жасайды. Олардың барлығына да бизнесті қалай ашу керектігі қызық», – деді директор.
Олардың кейбірі мал шаруашылығы, ауыл шаруашылығы салаларындағы бизнеске қызығушылық танытса, тағы біреулері фотосалон ашып, үшіншілері жекелеп сатумен айналысқысы келетінін айтты. Кей жұмысшыларға тап сол жерде жеке кеңестер берілді. Олар енді Палата кеңсесіне баруға ниеттеніп отыр.
Ал бұл уақытта Қарағанды облысында «Бизнес-кеңесші» курстары өз жұмысын бастап та кетті. Приозерскіде бизнес негіздерін үйренгісі келетіндер аз емес екен.
Пікір қалдыру:
Пікірлер: